பயம் நீக்கும் நவதுர்க்கை

நமது ஓம் நமசிவாய ஆன்மீக குழுவிலிருந்து பயம் நீக்கும் நவதுர்க்கை பற்றிய பதிவுகள் :

துர்காதேவி ஒன்பது வகைகளில் தெய்வங்களுக்கும், பக்தர்களுக்கும் உதவியிருக்கிறாள். அந்த ஒன்பது வடிவங்களையே நவதுர்கை என அழைக்கிறோம்.

அவை :

1. வன துர்க்கை: 

பிறவிப் பெருங்காட்டை அழிப்பவள்.

2. சூலினி துர்க்கை: 

திரிபுரம் எரிக்க சிவனுடன் சென்றவள்.

3. ஜாதவேதோ துர்க்கை: 

முருகன் உதித்தபோது அக்னிக்கும் வாயுவுக்கும் அருளியவள்.

4. ஜுவாலா துர்க்கை: 

பண்டாசுரனை வதம் புரிய அனல் பிழம்பாகி அரண் அமைத்தவள்.

5. சாந்தி துர்க்கை: 

தட்ச யாகத்தின் போது கோபமடைந்த சிவனை சாந்தப்படுத்தியவள்.

6. சபரி துர்க்கை: 

அர்ஜுனனுக்கு பாசுபதம் அளிக்க சென்ற சிவனுடன்  வேட்டுவச்சி வடிவில் சென்றவள்.

7. தீப துர்க்கை: 

பக்தர்களுக்கு ஒளியாய் நின்று உதவுபவள்.

8. ஆசுரி துர்க்கை: 

அமுதம் கிடைக்க திருமாலுக்கு உதவியவள்.

9. லவண துர்க்கை: 

லவணன் என்ற அசுரனை சத்ருக்கனன் வென்று வர  உதவியவள்.

இன்றும், நமக்கு பாதுகாப்பாக நின்று அருளுகிறாள். எனவே, இவளை ஒன்பது வடிவங்களாகக் கருதி,

ஓம் வனதுர்க்கையே நம;

ஓம் சூலினி துர்க்கையே நம;

என்று ஒன்பது துர்க்கைகளுக்குரிய மந்திரத்தையும், நாளொன்றுக்கு ஒரு துர்க்கைக்குரிய மந்திரம் வீதம் 108 முறை சொல்ல வேண்டும். இவ்வாறு செய்தால் காரணமற்ற பயம் நீங்கும்.